Blwyddyn 3 a 4
+
Superhero Spelling
Blwyddyn 5 a 6TALEBAM DDIM£250i’w gwario ar adnoddaugydag aelodaeth newydd
O’r Gymraeg i’r Saesneg
Canllaw am ddim i athrawon sy’n cyflwyno darllen Saesneg i blant sydd eisoes yn darllen yn Gymraeg.
Mae plant mewn ysgolion cyfrwng Cymraeg yn dod at ddarllen Saesneg gyda sgiliau darllen cryf yn barod. Does dim angen eu haddysgu fel pe baent yn dechrau o’r newydd. Yr hyn sydd ei angen yw dealltwriaeth glir o’r hyn sy’n trosglwyddo, beth sy’n wahanol, a beth sy’n newydd. Mae’r canllaw yma yn helpu athrawon i gefnogi’r bont o’r Gymraeg i’r Saesneg.
Llythrennau a seiniau sy’n gweithio yn yr un ffordd yn y ddwy iaith. Does dim angen eu haddysgu eto.
Dyma lle mae’r camgymeriadau’n digwydd, fel f, dd, u, w a y.
Llythrennau tawel, yr e ar ddiwedd gair, geiriau anodd a sawl ffordd o sillafu’r un sain.
£599 yn unig am flwyddyn gyfan.
Mae ysgolion cyfrwng Cymraeg yn gymwys am ostyngiad o 20%, gan ostwng y gost i £479 y flwyddyn.
Dull cyflawn a strwythuredig o addysgu ffoneg, darllen a sillafu, gyda’r holl adnoddau addysgu, hyfforddiant staff a chymorth parhaus sydd ei angen ar eich ysgol.
HEFYD, derbyniwch daleb £250 AM DDIM i’w gwario ar lyfrau ac adnoddau!
Rhaglen Ffoneg Synthetig Systematig
Addysgu ffoneg difyr a strwythuredig o Flwyddyn 2 neu 3 ymlaen.
Hyfforddiant Staff Gydol Oes
Hyfforddiant cynhwysfawr i’ch tîm cyfan.
Gwersi ac Adnoddau Deniadol
Llwyth o adnoddau addysgu, caneuon, animeiddiadau a gweithgareddau parod i’w defnyddio.
Traciwr Asesu Ar-lein
Monitro cynnydd, nodi bylchau a chefnogi pob dysgwr.
Rhaglenni Ymyrraeth
Cymorth wedi’i dargedu i helpu plant i ddal i fyny a chadw i fyny.
Cymorth Parhaus i Ysgolion
Arweiniad arbenigol i’ch helpu i roi’r rhaglen ar waith yn llwyddiannus.
Archwiliwch Monster Phonics gyda threial AM DDIM
Mae ein bwndeli yn dod â chynllunio, hyfforddiant ac asesu at ei gilydd ar draws yr ysgol, ac yn costio llai na phrynu pob rhaglen ar wahân.
Ym mis Medi 2026 cyhoeddodd Llywodraeth Cymru ei Chynllun Llythrennedd a Rhifedd Sylfaenol. Mae’n nodi sut y bydd Cymru’n cryfhau darllen, ysgrifennu a rhifedd i bob plentyn o’u geni hyd at 16 oed, ac mae’n rhoi lle clir i ffoneg synthetig systematig yn y ffordd y mae plant yn dysgu darllen. Rydym wedi ysgrifennu’r canllaw yma i’ch helpu i wneud synnwyr o’r cynllun. Rhannwch ef gyda’ch cydweithwyr.
Mae’r cynllun yn pwysleisio pwysigrwydd datblygu llythrennedd a rhifedd ar draws pob Maes Dysgu a Phrofiad. Mae’n mabwysiadu dull system gyfan, gan gefnogi dysgwyr o’r blynyddoedd cynnar hyd at 16 oed, gyda bwrdd cenedlaethol yn arwain ac yn goruchwylio’r broses weithredu o hydref 2026 ymlaen.
Dylid adnabod rhwystrau sy’n gysylltiedig â thlodi, anghenion dysgu ychwanegol (ADY) ac iaith yn gynnar, a gweithredu’n gyflym. Mae’r Grant Datblygu Disgyblion yn parhau, a bydd Llywodraeth Cymru yn adolygu sut y caiff ei rhannu.
Bydd Llywodraeth Cymru yn datblygu adnoddau yn Gymraeg, Saesneg ac yn yr ieithoedd cymunedol a siaredir fwyaf er mwyn helpu teuluoedd i ddeall sut mae sgiliau darllen, ysgrifennu a rhifedd yn cael eu datblygu yn yr ysgol, a sut y gallant gefnogi’r dysgu hwnnw gartref. Bydd y gwaith yn dechrau yng Ngwanwyn 2027.
Mae creu amgylcheddau cyfoethog o ran iaith a chwarae, ynghyd â chanfod anghenion lleferydd, iaith a chyfathrebu yn gynnar, yn flaenoriaeth allweddol. Disgwylir i Brosiect Pengwin, sef adnodd lleferydd ac iaith dwyieithog, gael ei gwblhau erbyn haf 2027, tra bydd fframwaith Siarad gyda Fi yn parhau i gefnogi ymarferwyr yn eu gwaith.
Bydd canllawiau statudol newydd yn nodi, fesul blwyddyn, yr hyn y dylai plant ei ddysgu ym maes llythrennedd, mathemateg a rhifedd, yn ogystal â phryd y dylid cyflwyno’r dysgu hwnnw. Bydd ymgynghoriad ar y canllawiau yn dechrau yn hydref 2026, a disgwylir iddynt gael eu cyhoeddi yng ngwanwyn 2027.
Bydd canllawiau Cwricwlwm i Gymru yn cael eu hadolygu er mwyn sicrhau bod rôl a phwysigrwydd ffoneg synthetig systematig wrth ddysgu darllen yn glir ac yn cael eu hadlewyrchu’n briodol. Bwriedir cyhoeddi canllaw cenedlaethol ar ffoneg i ysgolion yng Nghymru yn hydref 2026, a bydd darpariaeth ffoneg yn Gymraeg ac yn Saesneg yn cael ei hadolygu a’i chryfhau.
Bydd Panel Arbenigol Llythrennedd newydd yn helpu i lywio’r dulliau gweithredu ar lefel genedlaethol. Bydd Dysgu, Adnodd a CAL:ON yn cefnogi dysgu proffesiynol, yn darparu adnoddau o ansawdd uchel ac yn cynnig offer sgrinio sy’n seiliedig ar dystiolaeth. Bydd Dysgu yn cefnogi ysgolion i gyflwyno rhaglenni ffoneg yn effeithiol ac yn gyson.
Bydd ysgolion yn defnyddio ystod ehangach o wybodaeth asesu i gael gwell dealltwriaeth o fan cychwyn plant, asesu eu cynnydd a gosod disgwyliadau uchel ar gyfer yr ysgol ac ar gyfer pob plentyn. O fis Chwefror 2027, bydd gwybodaeth ar gael am gyrhaeddiad disgyblion ym Mlwyddyn 6 mewn darllen a rhifedd. Bydd y gwaith o sefydlu gwaelodlin genedlaethol ar gyfer plant ar ddechrau eu cyfnod yn yr ysgol hefyd yn cael ei ddatblygu.
Mae llythrennedd Cymraeg yn cael ei ystyried yn rhan o gyfathrebu ar draws y cwricwlwm, yn hytrach nag fel pwnc ar wahân. Bydd gwaith ar egwyddorion a gytunwyd yn genedlaethol ar gyfer addysgu’r Gymraeg rhwng 3 a 16 oed yn dechrau yn haf 2027.
Rhaid i rieni, ymarferwyr y blynyddoedd cynnar, athrawon, arweinwyr a phartneriaid cymorth gydweithio. Mae’r cynllun yn pwysleisio cyfrifoldeb ar y cyd, arfer cyson a chymorth cydgysylltiedig i ddysgwyr.
Mae’r cynllun yn gofyn i ysgolion ddeall mannau cychwyn plant, mesur eu cynnydd a gosod targedau uchelgeisiol i’r ysgol ac i blant unigol. Mae hefyd yn gofyn i fylchau gael eu hadnabod yn gynnar a’u taclo’n gyflym.
Mae ysgolion ledled Cymru wedi dweud wrthym mai Traciwr Asesu Monster Phonics yw un o rannau mwyaf defnyddiol y rhaglen. Mae athrawon yn ei ddefnyddio i grwpio plant, canfod bylchau yn eu gwybodaeth ffoneg a rhoi cymorth ar waith yn syth.
Wrth i drefniadau asesu cenedlaethol yng Nghymru ddatblygu, byddwn yn sicrhau bod y traciwr yn cyd-fynd â nhw. Gallwch roi cynnig ar y Traciwr Asesu gyda’ch dosbarth eich hun yn ystod treial am ddim.
Rhoi Cynnig ar y Traciwr Asesu Am Ddim
Mae’r cynllun yn gofyn i ysgolion gyflwyno eu rhaglen ffoneg gyda chysondeb. Yn ymarferol, mae hyn yn golygu bod pob oedolyn sy’n addysgu ffoneg yn dilyn yr un rhaglen, yn yr un drefn, gyda’r un iaith a’r un arferion, bob dydd. Dyma un o’r ffyrdd mwyaf dibynadwy o sicrhau nad oes unrhyw blentyn yn colli cam. Gall y cwestiynau hyn eich helpu i adolygu eich dull presennol:
Os yw rhai o’r rhain yn anodd eu hateb, nid chi yw’r unig un. Mae llawer o ysgolion ledled Cymru yn gofyn yr un cwestiynau y tymor hwn, ac rydym bob amser yn hapus i’w trafod gyda chi.
Trafod gyda Rhian a Lucy
Mae’r cynllun yn disgrifio pum grŵp sy’n rhannu’r cyfrifoldeb am lythrennedd a rhifedd.
Yng Nghaerdydd, mae hyn eisoes yn digwydd. Ym mis Mai 2026 lansiodd Cyngor Caerdydd a Monster Phonics bartneriaeth tair blynedd sy’n rhoi mynediad am ddim i’r rhaglen i bob ysgol gynradd yn y ddinas, gan gynnwys adnoddau a hyfforddiant i staff. Ei nod yw rhoi dechrau cryf i bob plentyn wrth ddysgu darllen a chau’r bwlch darllen sy’n gysylltiedig ag anfantais. Daeth arweinwyr ysgolion ac ymarferwyr o bob rhan o Gaerdydd ynghyd ar gyfer y lansiad yn Stadiwm Dinas Caerdydd.
Drwy ein partneriaeth tair blynedd gyda Chyngor Caerdydd, gall pob ysgol gynradd yng Nghaerdydd ddefnyddio Monster Phonics am ddim, gan gynnwys yr adnoddau, y deunyddiau a’r hyfforddiant i’ch staff i gyd.
Os nad yw eich ysgol wedi dechrau eto, neu os ydych newydd ymuno ag ysgol yng Nghaerdydd ac yn awyddus i ddechrau, bydd Rhian a Lucy yn eich helpu i sefydlu.
Dechrau yng Nghaerdydd
Ym Mlwyddyn 3, mae’r ffocws yn symud at gryfhau a datblygu sgiliau darllen a sillafu yn Saesneg, gan adeiladu ar y profiadau a’r sgiliau llythrennedd y mae plant eisoes wedi’u datblygu. Mae’r rhaglen yn rhoi strwythur clir i’r dysgu, gan ddatblygu gwybodaeth am seiniau a’r berthynas rhwng llythrennau a seiniau, ochr yn ochr â datblygu geirfa a rhuglder darllen.
Mewn ysgolion cyfrwng Cymraeg, rydym yn cydnabod bod plant yn dod i Flwyddyn 3 â phrofiadau gwahanol o ddysgu darllen a sillafu yn Gymraeg ac yn Saesneg. Mae’r rhaglen wedi’i chynllunio i gefnogi’r broses hon a rhoi sylfaen gadarn i blant wrth iddynt ddatblygu eu hyder a’u sgiliau llythrennedd yn Saesneg.
Treial Am Ddim
Mae sicrhau bod pawb yn addysgu’r rhaglen yn yr un ffordd yn dibynnu ar gael y cymorth a’r hyfforddiant cywir. Mae aelodaeth Monster Phonics yn cynnwys hyfforddiant i’r tîm cyfan, gyda sesiynau byw yn ystod y flwyddyn gyntaf a mynediad at lyfrgell o hyfforddiant ar-lein. Mae’r hyfforddiant yn ymdrin â’r gwersi dyddiol, sut i helpu plant i ddal i fyny, ymyrraeth gyflym a Darllen dan Arweiniad mewn Grwpiau. Mae hyfforddiant penodol ar gael i benaethiaid, arweinwyr llythrennedd, cydlynwyr ADY a chynorthwywyr addysgu. Gall staff newydd hefyd gael hyfforddiant pan fyddant yn ymuno â’r ysgol, fel bod pawb yn teimlo’n hyderus wrth ddefnyddio’r rhaglen.
Darllen am Hyfforddiant
Mae’r cynllun yn gweld rhieni a gofalwyr fel partneriaid wrth ddysgu darllen. Rydym yn cynnal sesiynau gwybodaeth ar-lein am ddim i rieni, ac yn rhoi adnoddau parod i ysgolion sy’n esbonio sut mae ffoneg yn cael ei haddysgu. Dywedodd ysgolion yn ein cynllun peilot yng Nghymru fod rhieni’n clywed caneuon Monster Phonics gartref, a dyna’n aml ble mae’r sgwrs am ddarllen yn dechrau.
Treial Am Ddim
Rhian Rogers a Lucy Werrett yw ein Harweinwyr Llwyddiant Ysgolion Cymru. Mae gan Rhian dros 25 mlynedd o brofiad fel athrawes ysgol gynradd, ac mae hefyd wedi cefnogi ysgolion i ddatblygu llythrennedd drwy ei gwaith gyda’r awdurdod lleol.
Mae Lucy yn athrawes gynradd brofiadol ac yn siaradwr Cymraeg sydd wedi defnyddio Monster Phonics yn llwyddiannus yn ei hystafell ddosbarth ei hun mewn ysgol cyfrwng Cymraeg.
Os hoffech drafod y cynllun, eich darpariaeth ffoneg neu Monster Phonics, mae Rhian a Lucy yn hapus i helpu. Gallant hefyd drefnu treial mynediad llawn am ddim i’ch ysgol gyfan, gan gynnwys ein traciwr asesu a’n hyfforddiant, heb unrhyw gost.
Mae’r adroddiad hwn yn edrych ar sut y cafodd Monster Phonics, rhaglen ffoneg synthetig systematig a ddilyswyd gan yr Adran Addysg (Lloegr), ei chyflwyno mewn deg ysgol ledled Cymru. Mae’r astudiaeth yn archwilio’r effaith ar safonau ffoneg, ymgysylltiad staff, plant a rhieni, ac effeithiolrwydd yr hyfforddiant a’r adnoddau. Dywedodd pob ysgol a gymerodd ran fod gwelliant sylweddol yn eu canlyniadau ffoneg, mwy o frwdfrydedd ymhlith y plant, a mwy o gysondeb wrth addysgu ffoneg.
Mae Rhian Rogers a Lucy Werrett, ein Harweinwyr Llwyddiant Ysgolion yng Nghymru, yn hapus i drafod y cynllun, eich darpariaeth ffoneg neu Monster Phonics, pa raglen bynnag rydych yn ei defnyddio ar hyn o bryd. Mae croeso i chi gysylltu yn Gymraeg neu yn Saesneg.
E-bostio Lucy E-bostio Rhian Gwneud Cais am Becyn Sampl Am Ddim
Dyma’r dyddiadau a nodwyd gan Lywodraeth Cymru. Byddwn yn diweddaru’r dudalen hon wrth i bob cam gael ei gyhoeddi. Adolygwyd ddiwethaf: 28 Medi 2026.
Mae Llywodraeth Cymru yn cyhoeddi ei Chynllun Llythrennedd a Rhifedd Sylfaenol. Gallwch ddarllen y cynllun llawn ar LLYW.CYMRU.
Bydd canlyniadau darllen a rhifedd ar gyfer Blwyddyn 6 ar gael drwy’r asesiadau personol.
Bydd gan bob ysgol gynradd yng Nghymru le penodol ar gyfer llyfrgell, gan roi cyfle i blant fwynhau darllen yn Gymraeg ac yn Saesneg.
Mae’r cynllun yn dweud y bydd canllawiau Cwricwlwm i Gymru yn cael eu hadolygu fel bod rôl a phwysigrwydd ffoneg synthetig systematig wrth ddysgu darllen yn ddiamwys. Mae’n bwriadu cyhoeddi canllaw cenedlaethol ar ffoneg i ysgolion yng Nghymru yn hydref 2026, ac mae’n gofyn i raglenni ffoneg gael eu cyflwyno gyda ffyddlondeb. Gallwch ddarllen y cynllun llawn ar LLYW.CYMRU.
Nid yw’r cynllun yn nodi rhaglen benodol. Yn hytrach, mae’n pwysleisio pwysigrwydd ffoneg synthetig systematig, a’i haddysgu mewn ffordd glir a chyson. Os yw eich rhaglen bresennol yn systematig ac yn synthetig, a bod pob aelod o staff wedi’i hyfforddi i’w defnyddio’n gyson, efallai na fydd angen i chi newid rhaglen. Bydd y canllaw cenedlaethol ar ffoneg, sydd i’w gyhoeddi yr hydref hwn, yn rhoi rhagor o fanylion am yr hyn a ddisgwylir. Yn y cyfamser, rydym yn hapus i drafod eich anghenion a’ch rhaglen bresennol, pa bynnag raglen rydych yn ei defnyddio.
Gallwch. Mae treial am ddim 7 diwrnod yn gadael i chi weld y cynllunio a’r adnoddau yn syth. Os yw eich ysgol yn ystyried rhaglen ffoneg, e-bostiwch [email protected], [email protected] neu [email protected] a byddwn yn trefnu treial mynediad llawn am ddim i’ch ysgol gyfan. Mae’n cynnwys yr holl adnoddau a’r hyfforddiant ar gyfer plant 2 i 11 oed, heb unrhyw ymrwymiad.
Ydy. Mae ein hyfforddiant cynhwysfawr wedi’i gynllunio i gefnogi’r ysgol gyfan. Mae’r aelodaeth yn cynnwys mynediad at hyfforddiant ar-alw, yn ogystal â rhaglen o sesiynau hyfforddi byw, heb unrhyw gost ychwanegol.
Mae Monster Phonics wedi’i mapio i Gamau Cynnydd 1 a 2 Cwricwlwm i Gymru, tra bod Superhero Spelling yn cwmpasu Cam Cynnydd 3. Mae’r rhaglen yn datblygu sgiliau allweddol ar gyfer darllen a sillafu yn Saesneg, gan gynnwys ymwybyddiaeth ffonolegol a ffonemig, y berthynas rhwng graffemau a ffonemau, cyfuno a segmentu, yn ogystal â dysgu geiriau amlder uchel. Cyflwynir y sgiliau hyn mewn dilyniant clir a systematig.
Ydy. Mae’n hawdd cyflwyno Monster Phonics ar unrhyw adeg yn y flwyddyn ysgol. Edrychwch ar ein Llawlyfr Addysgu i weld Map Cynnydd Monster Phonics. Mae hwn yn dangos trefn yr addysgu a ble i ddechrau yn y rhaglen. Mae’r cynllunio cyson yn ei gwneud yn hawdd dechrau arni a gweld canlyniadau’n gwella’n syth.
Ydy, ar gyfer addysgu ffoneg Saesneg. Rhaglen ffoneg Saesneg yw Monster Phonics, ac mewn ysgolion cyfrwng Cymraeg mae’n cael ei defnyddio ochr yn ochr â’ch darpariaeth ffoneg Gymraeg, pan fydd plant yn dechrau dysgu darllen ac ysgrifennu yn Saesneg. Mae ei dull ffoneg synthetig systematig yn ategu’r amcanion dysgu yng Nghwricwlwm i Gymru. Drwy ganolbwyntio ar ymwybyddiaeth ffonolegol a ffonemig drwy dechnegau difyr ac amlsynhwyraidd, mae’n cynnig ffordd effeithiol o addysgu ffoneg Saesneg sy’n diwallu anghenion dysgwyr mewn system addysg ddwyieithog.
Ydyn. Mae ein cynllun sillafu a geirfa Saesneg, Superhero Spelling, yn darparu gwersi cynhwysfawr i blant. Mae’n ffordd gyflawn a chynhwysol o ymarfer rhestrau geiriau allweddol yn hwylus, gan arbed amser gwerthfawr i athrawon. Mae gennym hefyd gomics ymyrraeth ar gyfer plant yng Nghyfnod Allweddol 2 sydd angen hwb ychwanegol i feithrin sgiliau ffoneg craidd.
Ydy. Mae Monster Phonics yn cefnogi argymhellion Estyn drwy gynnig dull systematig a difyr o addysgu ffoneg, sy’n cyd-fynd â phwyslais Estyn ar arferion llythrennedd effeithiol. Mae’r rhaglen yn canolbwyntio ar wneud ffoneg yn hygyrch ac yn bleserus, gan fynd i’r afael ag agweddau allweddol ar ddatblygu llythrennedd y mae Estyn yn eu hargymell, fel addysgu ffoneg yn gyson a datblygu geirfa i wella sgiliau darllen a rhuglder.
